三月十三日生日, 二十八歲了, 男友說我已是中女, 生日當天他SEND給我的SMS係話 "放心啦, 我會娶你!", 但其實我仲未想嫁, 所以應該係 "放心啦, 我仲未娶得你"~^0^

早兩個星期, 男友去了美國公幹, 第一次出TRIP, 一切都好順利, 仲買左條TIFFANY頸鍊給我當生日禮物, 我喜歡是一定的了, 因為是我自己選的,但也要他冒零下幾度行廿幾條街買回來的,  這個過程的確是值得感動的, 謝謝你~

剛過了的星期日, 我和他去看了曹格+方大同+林俊傑的音樂會, 原諒我唔識得現場最多FANS的林俊傑, 但無可否認, 佢唱歌跳舞真的不錯, 只要不要大頭扮CUTIE樣就行了, 至於方大同, 唱得比較少, 但SINGALONG SONG同三人遊真係好聽, 因為佢SELL的不是巨肺或跳舞, 而是R&B那輕輕鬆鬆的感覺. 而壓軸的曹格最有驚喜, 唱現場真係好勁, LIVE比CD好聽, 因為個種震撼唔係聽CD可以媲美的, 我相信HK而家活躍個班歌手暫時無邊個可以比得上.

買左好耐(已有三兩年了)的FRIENDS(共十季), 我已看完第九季了, 開始看第十季, 不太想這麼快完結. 至於明珠播緊的"迷", 越來越好看, D迷真係多到暈, 結局真係唔知佢會點收科~

近日借了2008年十大好書之一, 楊繼繩的"墓碑", 是關於中國六十年代大饑荒的, 厚厚的還要分上下篇, 讓我看看自己有沒有能耐看完它吧~我妹妹看書名, 以為是鬼故, 話我好借埋D咁既書~.~還有J送我張愛玲的'小團圓', 我也急不及待想看呢~這個星期真忙碌!

----------------------------------------------------------------------

FACEBOOK~

近日我的妹妹日日也玩FACEBOOK(雖然比較遲), 早幾天LAUGHING 哥死了, 她也送上紙扎妹仔同江世孝聊表心意. 對於FACEBOOK, 我真係無咩興趣, 其實之前的ICQ同MSN, 我都無咩興趣~我想一個星期都有一次ONLINE既~~你睇?我個人其實真係幾自閉!!

對於我呢D唔鐘意高調的人來說, 我個FACEBOOK咩都無係好正常的, 因為我不明白, 為什麼在FACEBOOK的每個動作, 都要通知0西你D FRIENDS? 可唔可以有得選擇通知A但唔通知B?我係一個好需要私穩+安全感的人, 所以好多時有人TAG我相, 我會自己去REMOVE TAG, 請各位朋友原諒我有此行為, 因為我真係需要這點點的安全感~

但FACEBOOK都有到好既, 舊同學HOLD GATHERING時真係放便左好多, 至少唔駛逐個通知, 邊個去邊個唔去大家都知, 因為FACEBOOK, 我同中學同學都聚多了~

-----------------------------------------------------------------------------------------------------------------

雖然好耐無見, 但我是很珍惜和你們一起的時光的~

J, 多謝你的"小團圓", 也想告訴你, 有什麼煩惱也可以和我們說啊~ 我們的GATHERING不單只可以說說聽什麼歌, 也可以說說煩惱的~

其實我近日也為著我的貓咪煩惱, 近收養的"黑咪"原來身患絕症, 帶了看過兩位醫生, 其中一位是全城最出名, 在中環貓醫院的女醫生,都說牠已經不行了, 肺和腹腔已經積滿水, 杰得抽也抽不到, 只可以帶回家讓牠安渡餘生.

由初時知道後哭啊哭, 工又唔返街又唔去留在家陪著牠, 到現在我已接受了現實, 也不容許自己再沉淪下去. 直到現在已經一個月了, 我依然相信會有奇蹟, 為了讓牠有胃口一點, 天天開罐頭, 買了挑咀糧, 望牠能吃多一點, 每天我也給牠吃VIT C +冬虫草(藥粉) , 每天摟著牠鼓勵牠, 也許大家會說我傻, 但我知道牠是聽得懂我的說話的.

我知道賺得一天得一天, 只要佢依然想吃想玩, 我都唔會想最後那一步. 好幾次牠呼吸困難, 我以為牠不行了, 媽說明天就帶牠去獸醫處安樂死, 但明朝牠卻又活生生的, 胃口不錯又跑來跑去, 我就這樣哭著入睡, 笑著起床, 每天的心情都像過山車般, 個人好緊張, 有晚我觀察左黑咪成個鐘, SURE佢今晚唔會趁我睡著時離去, 我才敢睡.

我知道自己唔可以再咁緊張, 佢要走始終會走, 但可以說我依然樂觀的, 奇蹟已經發生了在我身上, 希望可以同樣發生在黑咪身上~黑咪, 我的正能量係無限量供應給你的~你要堅強啊~

又多一隻貓~

一月二日，我接了黑白貓回來。

牠本是一隻已在公園住了三年的流浪貓，亦已由義工帶了去spca絕育的「公公」，一直以來那公園也有三隻貓咪註守的，但近日其中兩隻不見了已近一整月，只剩這隻可憐的留守原地，早陣子我去探望牠，有班約小五六的小朋友拿著汽槍「追殺」牠，給我罵了一頓。在天氣冷+下雨的晚上，我貼好暖包放在紙箱內，怕已失去同伴的牠會冷壞了。直至一月一日，我和媽媽去吃火鍋，順路帶她去看看那隻可憐的貓咪，媽媽心軟了，准許我帶牠回家。

一月二日，我和幾位餵開牠吃東西的街坊帶著籠去捉牠，再帶牠看獸醫及沖涼。我們發現牠的手掌損了，再拿去獸醫處，說要全身麻煩做連針手術。直至晚上七時左右，我們才帶著黑白貓回到家中。

在這一整個星期裡，我全天候24小時侍候牠，每晚牠想家了，喵聲不斷，好笑的是門外兩貓的反應各異，妹妹報以獅哮功，顯示自己大家姐的地位；豆豆則在門外急得團團轉，以喵聲回應，像極老公在產房等老婆生仔的樣子。

新貓仍然與舊貓隔離中，暫時我們還未想到名字，但我意屬「佳佳」，因為牠真的很多嘴，問一句答一句，是一隻「多嘴佳」，希望牠可以健健康康，慢慢適應有家的生活。

我家的quota已經滿了，三隻已是極限，我要考慮清楚自己的能力，不會再添貓了~

反而我想說，我的朋友之中，很少人有養寵物，其實你們真的可以試試收養，記住唔好買，要收養!)牠們帶給你的開心，是獨一無異的！

因為做完手術,要戴頭罩~

好容易就反肚俾人摸,嗲到暈~

Lucky Cat!

有的主人就是可以咁無良， 將自己的貓咪遺棄係梯間， 由得牠擔驚受怕，痛苦捱餓。可以肯定不是走失的，看更在附近層數拍門問過都無人認，已經幾天了，又沒有人搵貓，最後漁農處把牠捉走了。

這是我媽在上星期二見到的，她只見漁記間車，連貓咪的模樣也沒見過，只是問看更才知道。第二日我問了看更，但你知道啦，看更都上了年紀，所有貓對他們來說都是同一隻貓，根本不太能說出那隻可憐貓咪的特點，只告訴我貓咪看似有病，因總是靜靜的，無心機咁縮埋一角。

第三日我就入管理處問該處的小姐有沒有給貓咪拍照，好在有!!一看圖片就知道不是流浪貓，似似地名種貓，個樣都唔似有病，眼神都幾精靈，流浪左咁多日都仲有咁既樣應該都唔會係有病。由於任何動物被漁記捉左，4日後無人認領就會 “人道”毀滅，我打算贖佢出來再搵人收養，咁靚既貓要搵到人收養應該無咩問題。

於是我同媽咪就展開贖貓之旅，先打俾漁記話我走失左隻貓俾佢地捉左，再出發去上水接佢，過程都好順利，真貓靚過影相，對眼仲大過我家 “妹妹”, 我地坐的士去石湖墟睇獸醫，初時去維多利的，但full booking，唔俾walk in，該位姑娘指導我地去前d個間，我地找了一會就找到那間 “北區動物診所” ，醫生說牠應該是挪威森林貓，1歲，男仔，未絕育，表面看來健康良好，唔似有病。診症時有位姑娘對牠一見鍾情，我就話不如由你收養啦，橫點遲d都要搵佢搵新主人，與其交俾網上d三唔識七既人，交俾診所姑娘就最放心，起碼佢有咩病痛，都一定有醫生睇。姑娘答應了，結果那隻曾經被人遺棄，流落漁農處徘徊生死邊緣的可憐貓咪，極速半小時內就找到新主人了，這真是最最最完美的結局!

我覺得所有野都係冥冥中有主宰, 整定既~~

如果唔係維多利full booking我都唔會去呢間，我連地址/診所名都唔知， 咁0岩個時又無人睇，(睇完出來已有3-4位客人等緊了)，咁0岩姑娘又對貓咪合眼緣，有咁正既happy ending我真係發夢都無想過!!

而我之前所擔憂的， 已變得多餘了~呢兩日我個心十五十六，男友唔建議我贖佢出來，怕我搞唔掂， 但自己個心又唔安樂。由知佢被捉走開始，第一日我都可以無咩野，第二日就忍唔住勁問看更那隻貓咪資料，第三日如果仲唔行動就會坐立不安， 第四日如果仲唔行動我想我會內咎死。 

好多謝媽咪，次次開頭佢都反對，話' 呢個世界咁多隻，你幫得邊隻呢?" ，但最後佢都會俾我行動，甚至協肋我去救貓貓，她是一個口硬心軟的人呢~~

我知，呢個世界咁多動物，我無可能幫得0西，見一隻幫一隻都難，但我相信俾得我遇到，如果你唔幫就根本無人會去幫佢，一係幫 ，一係由得佢死，我覺得都可以試下幫，雖然最後結果未必係好，但總叫盡左力，可以無憾。